Sakyanan nahulog sa kimba, drayber naangol

Sakyanan nahulog sa kimba, drayber naangol

Angol ang drayber sa usa ka sakyanan nga Toyota Ta­maraw FX nga nahulog sa kimba ug nasangit sa atop sa usa ka balay sa ubos sa sityo Lower, Barangay Linut-od, bukirang dapit sa lungsod sa Argao, alas 5 sa hapon sa Martes, Nobiyembre 21, 2023.

Ang biktima giila nga si Jhonnylou Oyangoren, 29, min­­yo, nagpuyo sa dapit.

Subay sa pakighinabi sa Su­perbalita Cebu kang Princess Cheilpsy, kinsa ni-post sa maong aksidente sa iyang Facebook page, ang tagbalay nangayo og tabang aron makuha ang sakyanan nga naa sa atop sa habig sa kusina.

Matod niya nga iyang manghod nga si Johnnylou O­­yangoren mao ang nagma­niho sa maong sakyanan ug magkuha unta sa mga ginabas nga kahoy.

Apan ang sakyanan wala makatangas sa dalan sa maong dapit sa kadangog tu­ngod sa pag-uwan uwan.

Nawad-an kini og kontrol sa sakyanan nga nibalitok og makaduha ka higayon sa gilay-on nga 30 metros hangtod nga nahulog sa kimba, diin ang duha ka mga ligid sa luyo napatong sa atop sa kusina.

Menor ra nga angol ang naangkon sa drayber.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph