Samboan duna nay bag-o nga merkado

Samboan town, Cebu. (Google Maps)
Samboan town, Cebu. (Google Maps)

Aduna nay bag-ong merkado publiko ang lungsod sa Samboan nga giinagurahan nila ni Cebu Governor Gwendolyn Garcia kauban sila si Vice Gov. Hilario Davide III, ug Samboan Mayor Emerito Calderon Jr. sa Marso 12, 2024.

Ang duha ka andana nga merkado publiko sa lungsod nga nahimutang sa Brgy. Poblacion, nakompleto pinaagi sa gigahin nga P18 milyunes alang sa construction sa edipisyo, diin P10 milyunes sa pundo nagagikan sa Kagamhanan sa Probinsya sa Sugbo.

Gibahin sa duha ka sections ang maong merkado, diin sa ubos ang wet goods, diin usab nahimutang ang mga pansayan.

Samtang anaa sa ika-duhang andana ang dry goods sama sa mga utanon.

Gisaad sa kagamhanan ingon man sa mga magpapatigayon sa maong merkado nga kanunayon niini ang pagpanghinlo aron masiguro nga limpyo ang merkado.

Gawas niini, gipangulohan usab sa mga opisyal ang groundbreaking ceremony sa himuong Phase 2 sa publiko merkado diin nigahin og laing P10 milyunes ang Kapitolyo alang sa pagkompleto sa proyekto. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph