San Miguel, Converge magsangka

HIGANTE: Pangulohan sa Sugboanong higante nga si JuneMar Fajardo ang San Miguel Beermen sa pagpakigbatok niini sa Converge FiberXers sa PBA out-of-town game sa Tiaong Convention Center sa Tiaong, Quezon ning Sabado, Nobiyembre 25, 2023. / PBA.PH
HIGANTE: Pangulohan sa Sugboanong higante nga si JuneMar Fajardo ang San Miguel Beermen sa pagpakigbatok niini sa Converge FiberXers sa PBA out-of-town game sa Tiaong Convention Center sa Tiaong, Quezon ning Sabado, Nobiyembre 25, 2023. / PBA.PH

Duwa karon:

6:15 pm- San Miguel batok Converage

Mopahigayon na og out-of-town game ang Philippine Basketball Association (PBA) sa labing unang higayon sa post-pandemic period ning Sabado, Nobiyembre 25, 2023, sa Tiaong Convention Center sa Tiaong, Quezon.

Magpinaksitay sa makasaysayong engkuwentro mao ang San Miguel Beermen ug Converge FiberXers sugod sa alas 6:15 sa gabii.

Mao kini ang modugkat sa out-of-town games nga nakaeskedyul sa Commissio­ner’s Cup.

Sunod niini, mopahigayon sab og mga duwa ang PBA sa San Jose, Batangas karong Disyembre 9, 2023, Cagayan de Oro City karong Disyembre 16, 2023 ug Iloilo City karong Enero 6, 2023.

Tipik sa PBA delegation ang unang niabot sa Tiaong ning Biyernes, Nobiyembre 24, 2023, ug nanghatag og goodies sa mga bata sa municipal center isip tipik sa mga kalihukan sa “Alagang PBA”.

Ang Beermen kasamtangang naggunit og 1-1 nga rekord samtang ang FiberXers wala pa’y daog sulod sa tulo ka mga duwa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph