Gustong makabangon gikan sa sunosunod nga pilde si kanhi world title challenger Jeo Santisima ug ang Hapon nga si Tom Mizokoshi sa "Sanman 103" nga ipahigayon karong Agusto 23, 2026 didto sa Villa Kristen Resort and Hotel sa General Santos City.
Ang 30-anyos nga si Santisima gikan sa duha ka sunodsunod nga pilde pinaagi sa unanimous decision.
Kontrahon karon ni Santisima ang journeyman nga si Alvin Lagumbay sa unom ka rounds nga boksing.
Si Santisima naghawid og 26-10 record uban ang 22 KOs, samtang si Lagumbay adunay 14-14-1 nga taras nga may 12 KOs.
Samtang sa laing bahin, moharong ang Hapon nga si Mizokoshi batok sa beteranong si Jeson Mopon sa lain pang six-rounder fight.
Gusto sab nga makabangon ni Mizokoshi gikan sa duha ka sunodsunod nga kapildehan. Si Mizokoshi nagdala og 11-6-2 (5 KOs) nga kard, samtang si Mopon adunay 11-25 (1 KO). / RSC
