VATICAN – Nagkanayon si Pope Leo XIV nga nasakitan siya sa sitwasyon sa Gaza ug nanawagan nga tugotan ang pagsulod sa mga hinabang sa maong dapit sa iyang premirong general audience sa Saint Peter’s Square ning bag-uhay lang.
“The situation in the Gaza Strip is increasingly worrying and painful,” matod sa labing unang Amerikanong Santo Papa.
“I renew my appeal to allow the entry of dignified humanitarian aid and to put an end to the hostilities, whose heartbreaking price is paid by the children, elderly, and the sick.”
Nanawagan si Pope Leo XIV alang sa usa ka tinuod ug makatarunganon nga kalinaw sa Ukraine ug paghunong sa gubat sa Gaza sa iyang labing unang panalangin sa Dominggo sa udto isip Santo Papa, nga nagpakita sa pipila ka mga simbolo nga nagsugyot og mensahe alang sa panaghiusa nagkasumpaki nga Simbahang Katoliko.
“I, too, address the world’s great powers by repeating the ever-present call ‘never again war,’” matod ni Leo gikan sa loggia sa St. Peter’s Basilica ngadto sa gibanabanang 100,000 ka mga tawo nga naa sa ubos.
Gi-quote ni Pope Leo si Pope Francis sa iyang pagsaway sa gidaghanon sa kasamtangang mga panagbangi nga nakadaot sa kalibutan, nga gihulagway nga mga tipik sa “ikatulong gubat sa kalibutan.”
“I carry in my heart the sufferings of the beloved Ukrainian people,” matod ni Pope Leo.
“Let everything possible be done to achieve genuine, just and lasting peace as soon as possible.”
Nanawagan si Pope Leo sa pagpagawas sa mga binilanggo sa gubat ug ang pagpauli sa mga bata sa Ukraine sa ilang mga pamilya, ug gihangop niya ang paghunong sa gubat sa India ug Pakistan. / Vatican News