Sa ikaduhang higayon, gibutyag ni Bise Presidente Sara Duterte nga dili siya motambong sa ikaupat nga State of the Nation Address (SONA) ni Presidente Ferdinand Marcos Jr.
Kini tungod kay magbiyahe siya pabalik sa Pilipinas sa oras sa Sona.
“Hindi. Dur ing the SONA, I’ll be traveling back to the Philippines. It’s the travel date from Korea,” matod niini atol sa pakighinabi sa mga tigbalita niadtong Hulyo 9, 2025, sa The Hague, Netherlands.
Bisan og wala niya gidetalye ang iyang biyahe, matod niya nga Hulyo 28 ang iyang schedule nga flight gikan sa South Korea paingon sa Pilipinas.
Gibutyag usab sa bise presidente nga adunay Filipino community event sa South Korea karong Hulyo 27 ug giimbitar siya isip speaker.
Matod niya nga mikumpirma siya sa iyang pagtambong sanglit gusto usab niya nga magpasalamat sa Filipino community didto.
“But when we receive invitations, we really try to accommodate it so that we can personally thank everyone she said,” matod ni Duterte.
Sa sayo pa, sa usa ka interbyu niadtong Hunyo 22, 2025, sa Melbourne, Australia, ang bise presidente nagkanayon nga gusto niya mohatag og oras sa mga Pilipino sa gawas sa nasod kaysa motambong sa tinuig nga report ni Marcos sa Kongreso sa Hulyo 28, 2025.
“I do not intend to attend the State of the Nation Address of President Marcos since I don't think he will be providing anything substantial about our country,” ingon niya.
Usa ka buwan human mi-resign isip secretary sa Department of Education (DepEd) niadtong 2024, wala na motambong si Duterte sa SONA ni PBBM.
Dili kini ang unang higayon nga gilat-angan ni Duterte ang SONA. Niadtong nakalabay nga tuig, gitudlo niya ang iyang kaugalingon isip “designated survivor.”
Permi na nga gabiyahe si VP Sara sa gawas sa nasod aron pasalamatan ang mga Pinoy sa pagsuporta sa iyang pamilya, hilabi na dihang gidala ang iyang amahan nga si kanhi Presidente Rodrigo Duterte sa The Hague, Netherlands. /RGP