Nagpasalamat si Education Secretary Vice President Sara Duterte kang Presidente Ferdinand Marcos Jr. sa padayon nga pagsalig kaniya bisan pa man sa giingong panagbingkil tali nila ni First Lady Liza Araneta-Marcos.
“Maraming salamat, Pangulong Ferdinand ‘Bongbong’ Marcos Jr., sa patuloy na pagtitiwala sa akin bilang kalihim ng Kagawaran ng Edukasyon,” sumala sa pamahayag ni Sara.
“Makakaasa po kayo na ang DepEd, na binubuo ng lahat ng ating mga guro at non-teaching personnel, ay patuloy na maglilingkod nang tapat para sa kinabukasan ng bawat mag-aaral,” dason niya.
Sa sayo pa, si Marcos niingon nga wala niya makita ang panginahanglan nga ilisan si Duterte isip DepEd secretary kay maayo ang iyang trabaho.
Ang Presidente nihimo sa maong pamahayag human ang iyang asawa niangkon nga adunay dili maayong pagbati kang Duterte tungod sa presensya sa Bise Presidente sa usa ka prayer rally sa Davao City diin si kanhi Presidente Rodrigo Duterte nilusad og mga pag-ataki batok sa iyang mipuli, nga nagtawag kang Marcos nga drug addict ug “bangag,” lokal nga termino nga gigamit sa paghulagway sa usa ka tawo nga ubos sa gahom sa ilegal nga drugas.
Ang rally gihimo sa pagsupak sa pagduso sa administrasyon nga Marcos sa charter change.
Agi’g tubag, giangkon ni Duterte ang kalagot ni Araneta-Marcos apan iyang gitataw nga ang personal nga pagbati walay labot sa iyang mandato isip opisyal sa gobyerno. / TPM /SunStar Philippines