Sawa nadakpan sud sa tunghaan

NADAKPAN: Kini ang sawa nga nasikop sulod grounds sa Talamban Elementary School sa Brgy. Talamban, dakbayan sa Sugbo. Gi-turnover na kini ngadto sa Dept. of Environmental and Natural Resources (DENR).
NADAKPAN: Kini ang sawa nga nasikop sulod grounds sa Talamban Elementary School sa Brgy. Talamban, dakbayan sa Sugbo. Gi-turnover na kini ngadto sa Dept. of Environmental and Natural Resources (DENR). TAMPO NI MARK ANTHONY NABUA

Usa ka dako nga sawa nga gibana-banang mga 10 ka tiil ang gitas-on napalgan sulod sa Talamban Elementary School sa Brgy. Talamban, dakbayan sa Sugbo, alas 7 sa buntag sa Miyerkules, Enero 10, 2024.

Matod ni Talamban Barangay Captain Dario Arcilla sa pakighinabi sa Superbalita Cebu sa Huwebes, Enero 11, nga ang sawa nga adunay gibug-aton nga 20 kilos napalgan sa caretaker sa tunghaan nga nagtago sa garden duol sa flag pole hinungdan nga iyang gipahibawo ang mga magtutudlo ug mga tinun-an nga dili moagi sa lugar.

Ang nirespondeng mga barangay tanod nga sila si Teresito Rey Molina, Roel Archival, ug Raul Arceo mao ang ningsikop sa sawa.

Matod sa kapitan, ang halas ilang gi-turnover ngadto sa Department of Environment and Natural Resources (DENR).

Matod ni Arcilla nga nigawas ang sawa tungod tingali sa init sa panahon o kagutom.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph