‘Sayo’ng pinaskuhan alang sa sr. citizens sa Dalaguete; labing minos P10K madawat

‘Sayo’ng pinaskuhan alang sa sr. citizens sa Dalaguete; labing minos P10K madawat
File photo

Makadawat og pinansyal nga pahalipay ang tanang senior citizens nga nag-edad og 95 ngadto na sa 100 anyos pataas sa lungsod sa Dalaguete.

Kini maoy gipahibawo sa kagamhanan kalabot sa pahalipay alang sa mga senior citizen sa lungsod.

Ang lungsod, mipatuman sa Municipal Ordinance 2023-303 sa mga “Super Seniors”.

Base sa maong ordinansa, makadawat sa mosunod ang mga senior citizen:

• 95 anyos – P10,000.00

• 96 anyos – P15,000.00

• 97 anyos – P20,000.00

• 98 anyos – P25,000.00

• 99 anyos – P30,000.00

Alang sa mga 100 anyos, sila makadawat og P100,000 gikan sa Centennial Program sa DSWD ug dugang P100,000 gikan sa Kagamhanan sa Probinsya sa Sugbo.

Gidugang sa kagamhanan sa lungsod sa Dalaguete nga mohatag usab sila og P25,000 nga ayuda matag tuig alang sa mag edad og 101 anyos pataas.

Tinguha sa kagamhanan nga mapahalipayan ug mahimo’ng inspirasyon sa kabataan ug uban pang mga henerasyon ang taas nga kinabuhi sa mga konstituente niini. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph