Usa ka sakop sa Supreme Court (SC) niawhag sa kapin sa 3,000 ka mga bag-ong abogado nga mahimong maayong tawo.
“More than being called ‘attorney,’ the essence of being a lawyer is being a good person. That is why you should pay special attention to the kind of person you are to all those around you,” matod ni Associate Justice Amy Lazaro-Javier.
Si Lazaro-Javier maoy magsilbi nga chairperson sa Bar examinations karong tuiga.
Nikabat sa 3,942 sa 3,962 ka mga aplikante nga nakapasar sa 2024 Bar examinations ang nanumpa ug nipirma sa roll of attorneys sa SMX Convention Center sa Pasay City niadtong Biyernes, Enero 24, 2025, sumala sa SC Office of the Spokesperson.
Ang kalihukan nagtimaan sa pormal nga induction sa mga bag-ong miyembro sa Philippine Bar.
Si Associate Justice Mario Lopez, nitambong sa 2024 Bar examinations, nipahalipay sa mga bag-ong abogado ug gipasiugda ang ilang responsibilidad sa pagpatunhay sa ethical standards ug moral competence.
“Today, you are required to make a solemn pledge that you will become morally competent lawyers,” matod ni Justice Lopez.
Gipadayag usab niya nga ang panumpa sa abogado adunay kalambigitan sa legal nga pamatasan ug ang Code of Professional Responsibility and Accountability.
Ang eksaminasyon sa Bar gihimo niadtong Sept. 8, 11, ug 15, ug kabahin sa ikaupat nga serye sa digitalized ug regionalized Bar exams isip kabahin sa Strategic Plan sa SC para sa Judicial Innovations 2022-2027.
Ang mga eksaminasyon naglangkob sa mga subject nga naglakip sa Political and Public International Law, Commercial and Taxation Laws, Civil Law, Labor Law ug Social Legislation, Criminal Law ug Remedial Law ug Legal Ethics.
Trese ka mga eskwelahan ang nagsilbi nga national headquarters ug testing centers sa nagkalainlaing rehiyon, apil na ang mga institusyon sa Metro Manila, Luzon, Visayas ug Mindanao.
Sa wala pa ang seremonyas sa pagpanumpa, si Associate Justice Rodil Zalameda nanguna sa usa ka invocation, naghalad sa mga pag-ampo alang sa malampuson nga mga lumalabay ug kadtong wala makaapil sa roster sa mga bag-ong abogado. Clerk of Court En Banc Marife Lomibao-Cuevas maoy nihatag sa panumpa sa mga bag-ong abogado.
Ang mga seremonyas karong tuiga nagpasiugda sa pasalig sa SC sa pagmoderno sa proseso sa Bar samtang gipadayon ang pagtutok niini sa pag-produce og ethical ug may katakos nga legal nga mga propesyonal. / Sunstar Philippines