Usa ka independent candidate gikan sa lungsod sa Carmen ang buot moatbang ni incumbent Cebu Governor Gwendolyn Garcia sa 2025 midterm election sa posisyon nga pagka-gobernador.
Si Valeriano “Doy” Fajardo Gingco, 67, taga lungsod sa Carmen ang miduso sa iyang certificate of candidacy (COC), Biyernes, Oktubre 4, 2024.
Si Gingco usa ka retired seafarer sud sa 34 ka katuig, ang nakahukom nga magpapili ning umaabot nga piniliay sa iyang katuyoan nga moserbisyo sa lalawigan sa Sugbo.
Nangayo usab siya og dispensa sa iyang mahimong kaatbang nga matod pa, iyang giila nga gi-idolo.
Mipasalig si Gingco nga aduna siyay katakos nga iya nga mamapalambo pa pag-ayo ang lalawigan sa higayon nga siya palaron nga pilion sa mga Sugboanon sa iyang tinguha.
“I’m sorry Maám (Cebu Governor Gwendolyn Garcia) idol kita, kaya lang kalabanin kita dahil gusto ko din ma-experience nila ang na-experience ko sa labas na wala dito. Kung halimbawa si Maam Gwen ang manalo, pupunta ako dito mag-congratulate agad ako sa kanya,” matod ni Gingco.
Lakip sa iyang mga gustong himuon mao ang pagpalambo sa serbisyo, batokan ang kurapsyon ug hatagan ug kasulbaran ang nagkadaiyang mga problema sa lalawigan. / ANV