Seaport development project sa Medellin, gibuksan

Seaport development project sa Medellin, gibuksan
Published on

Gibuksan sa Cebu Port Authority (CPA) ug kagamhanan sa Lungsod sa Medellin ang labing dako nga seaport development project sa amihanan diha sa pantalan sa Kawit, Medellin, Sugbo sa Pebrero 19, 2025.

Ang maong proyekto natukod nga gigastuhan og P109.34 milyunes nga pundo gikan sa CPA alang sa pagpalapad sa Reinforced Concrete (RC) Deck nga dunay Roll-On/Roll-Off (Roro) ramp nga maka-accomodate ug upat ka mga barko.

Nakumpleto ang maong proyekto niadtong Disyembre 2024 sa tinguha nga mapalambo ang operasyon sa pantalan.

Ang kanhi gitawag nga Alpine Port sa Barangay Kawit maoy nagdugtong ug agianan sa mga pasahero ug kargamento paingon sa Bantayan Island, Masbate City, ug Biliran, Northern Samar.

Gipanglantawan sa CPA nga gawas sa paspas nga operasyon, mas daghan usab nga oportunidad ug trabaho ang mobukas alang sa mga konstituwente sa dapit nga magpagpalambo usab sa ekonomiya.

“We are thrilled to see this project come to fruition, as the Port of Kawit will now be able to accommodate more and larger vessels,” matod ni CPA General Manager Kit Comendador sa Pebrero 19, 2025. / ANV

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph