Gianunsyo sa New York Knicks nga kinahanglang operahan ang naangol nga tuong abaga sa ilang pambatong sentro nga si Julius Randle ug mao kini ang senyas nga nitiklop na og sayo ang 2023-24 season niini sa National Basketball Association (NBA).
Si Randle, 29, sulod na sab sa duha ka mga buwan nga nagpaalim sa iyang angol sa pamasin nga makabalik pa siya og duwa sa nagkaduol nga playoffs.
Apan ang pagpaalim ni Randle human sa operasyon nagkinahanglan og taastaas nga panahon.
Ang Knicks kasamtangang naa sa ikalimang dapit sa Eastern Conference bitbit ang 45-31 nga rekord. / AP