Senado nagplano nga mo-limit pag-aprubar sa Holiday Bills

Gitan-aw sa Senado ang posibilidad nga limitahan ang pag-aprobar sa mga gisugyot nga lokal nga holidays, matod ni Senate President Francis “Chiz” Escudero.

Sa usa ka press conference niadtong Biyernes, Agusto 9, 2024, gipahayag ni Escudero nga nagkasinabot na ang Senado sa pagrestrikto sa deklarasyon sa holidays, tungod kay ang sobra nga holidays makapahimo sa “Philippine companies and workers less competitive.”

Matod niya, ang nasod kasamtangan nga nag-obserbar og halos usa ka bulan nga holidays kada tuig, lakip na ang lokal, rehiyonal, ug nasyonal nga holidays.

Gidugang ni Escudero nga iyang gisugo ang paghimo og pagtuon bahin sa sistema sa holiday sa Estados Unidos, diin mas gamay ang holidays. Pananglitan, ang US nagdumdum sa ilang mga bayani ug presidente sa usa ra ka adlaw.

“Meron silang President's Day, lahat ng magagaling nilang presidente pinagsama-sama nila sa iisang araw na lang na holiday. Tayo hindi. May Araw ng Kagitingan, National Heroes’ Day, bawat bayani ‘pag pinatay sila may holiday na naman, ‘di ba?” matod ni Escudero.

“Ang problema lang, away ‘yan e. Pero hindi naman kailangang gawin yan ngayon, simulan lang natin ang proseso,” dugang niya.

Samtang, sa usa ka interbyu niadtong Sabado, Agusto 10, nanawagan si Escudero nga kalmado lamang ang publiko sa mga kritikong nakadawat gikan sa netizens bahin sa iyang bag-ohay nga pahayag.

Giklaro niya nga dili tumong sa Senado nga pakunhoran ang ihap sa kasamtangang holidays sa nasod.

“Ang polisiya sa Senado dili ang pagpakunhod sa mga holi­days kondili ang dili na pagdugang sa holidays nga naa na ug, hinoon, pag-rationalize sa kasamtangang holidays aron kini dili mahimong pabug-at sa employers nga napugos maghatag og doble nga sweldo atol sa holidays,” dugang niya.

“Ang among tuyo mao ang pagpalambo sa pagka-compe­titive sa nasod,” iyang gidugang.

Sa usa ka interbyu sa radyo, mitugot si Labor Secretary Bienvenido Laguesma sa panan-aw ni Escudero nga nag-ingon nga ang sobra nga holidays maka-impact sa productivity ug competitiveness sa mga industriya sa Pilipinas.

“Kapag napakaraming holiday... kung magtatrabaho ang manggagawa, may karagdagang premium pay... Dapat may balanse,” matod ni Laguesma.

“Kung napakaraming holidays, bukod sa national holidays ay mayroon pang local holidays, bahagi ‘yan ng tini­tignan ng investors o potential investors,” dugang niya. / SunStar Philippines