Kanhi Philippine National Police (PNP) chief nga karon Senador Ronald “Bato” dela Rosa nibutyag niadtong Martes, Marso 25, 2025, nga ang PNP nipa-recall sa duha ka police personnel nga gi-deploy isip security officers sa iyang pinuy-anan.
Sa pakighinabi sa mga tigbalita, si Dela Rosa nagkanayon nga nahibaw-an lang niya ang maong recall sa iyang pag-abot sa iyang pinuy-anan sa Davao niadtong Lunes, Marso 24, 2025.
“Itong pag-uwi ko sa Davao, wala na akong security. Pinapareport na sila sa unit nila,” he said.
Ang PNP niingon nga "fake news" ang pangangkon ni Dela Rosa.
Apan matod ni Dela Rosa nga nakasabot siya sa lakang sa PNP nga tangtangon ang security officers nga nakadetalye kaniya.
“Normal naman yan. They can be there, they cannot be there. Ganon lang yan,” matod ni Bato.
Dugang niya, wala niya kini tan-awa nga usa ka pag-pressure kaniya taliwala sa mga taho nga adunay ipagawas nga warrant of arrest batok kaniya kalabot sa nagpadayong imbestigasyon sa International Criminal Court (ICC) sa giingong krimen batok sa katawhan sa nasod atol sa pagpatuman sa drug war sa kanhi administrasyon ni Presidente Rodrigo Duterte diin giila siya nga co-respondent.
Ang magbabalaod sa sayo pa niingon nga dili siya motahan kon manduan siya nga dakpon sama ni Duterte nga kasamtangang gitanggong sa pasilidad sa ICC sa The Hague.
“Di naman. Alam mo na yung mga commander ng mga pulis nag ingat din yan. Naintindihan ko sila. Hindi nila ako ginigipit. Nag-iwas lang sila na mamaya magkaproblema sila. So naintindihan ko. Hindi sila kasama sa panggigipit kundi nag-iiwas lang sila na magkaproblema sila,” matod ni Dela Rosa.
“Wala naman (akong concern sa safety ko). Sanay man ako sa threat. Nabubuhay naman ako sa threat na yan. Hanap buhay ko yan,” matod niya.
Sa iyang Facebook post, si Dela Rosa nipadayag og pasalamat sa pipila ka mga retiradong polis ug sundalo nga niboluntaryo nga mosilbi isip hulip sa gipa-recall nga mga security aide.
“They have no firearms but they are equipped [with] kamote, balanghoy, saging, manok bisaya [and] ready to survive [with] me. Very heartwarming,” he said.
Niadtong Hulyo, taliwala sa giingong panagbingkil tali ni Presidente Ferdinand Marcos Jr., ug Bise Presidente Sara Duterte, gipa-recall usab sa PNP ang mga police personnel nga gi-assign alang sa VP. / TPM / SunStar Philippines