Sa edad nga 39, si Los Angeles Lakers superstar LeBron James mao gihapon ang sentro sa atraksyon sa Team USA.
Nasuta kini atol sa warmup pa lang sa Team USA sa usa ka exhibition game batok sa Australia niadtong Martes, Hulyo 16, 2024 (PH time) sa Abu Dhabi, United Arab Emirates.
Nilanog ang abiba sa mga tumatan-aw dihang naggunit na og bola si James ug mas milanog kini atol sa iyang paghansak.
“He’s still LeBron,” matod ni U.S. assistant coach Erik Spoelstra.
Sa sunod season sa National Basketball Association (NBA), si James mopatong na sa iyang ika-22 ka mga tuig sa liga. / AP