Gipangbuntog sa Strong Group (SG)-Philippines ang Japan Developmental Team, 79-67, aron irehistro ang ikaduha nilang sunodsunod nga kadaugan sa samang gidaghanon nga mga wua sa 44th William Jones Cup niadtong Lunes sa gabii, Hulyo 14, 2025, sa New Taipei City.
Ang SG-Philippines, nga maoy defending champion, gipangulohan sa ilang duha ka imports nga sila si Andre Roberson ug DJ Fenner hasta sa local players nga sila si Javi Gomez de Liaño ug Rhenz Abando.
Si Roberson, kinsa kanhi magduduwa sa National Basketball Association (NBA) champion Oklahoma City Thunder, nimugna og 15 puntos ug 14 rebounds, nidugang og 14 puntos si Fenner, niamot og 13 puntos si Liaño samtang nitunol og 11 puntos si Abando. / ESL