Human mahatagi og titulo ang Oklahoma City Thunder, wala na gilimod ni Shai Gilgeous-Alexander kon SGA nga siya na ang labing maayo nga aktibong player sa National Basketball Association (NBA).
Samtang ang Thunder gipaboran nga makadepensa sa ilang titulo sa sunod season base sa mga online sportsbook.
Gipangutana si Gilgeous-Alexander sa ESPN reporter kon tuyo ba niya ang tawgon nga best player sa tibuok kalibutan.
"Yeah, for sure," tubag ni Gilgeous-Alexander. “That's another goal of mine to stand at the top of the mountain. The way I have this year, it's been pretty fun. It's definitely one of the things I want to check off my list."
Gipangutana siya pagbalik kon nakuha na ba niya kini nga goal.
"Sure, why not," sigon ni SGA.
Nipakita og solido nga performance si SGA karon nga season diin nag-average siya og 32.7 puntos, 6.4 assists, ug 5 rebounds.
Nahimo siyang season MVP, Finals MVP, ug NBA champion sa usa ka season. Butang nga uwahing nabuhat ni LeBron James sa tuig 2013.
Siya pud ang ikaupat nga player sa NBA history mga nidaog og titulo nga league MVP ug scoring title sa susamang tuig.
Ang BetMGM online sportsbook, nihatag og +240 odds nga modaog pagbalik sa titulo sa 2025-2026 NBA season.
Ang duol nila nga teams mao ang Cleveland Cavaliers ug New York Knicks. Nadaog sa Oklahoma City ang ilang unang titulo sa NBA sukad nibalhin kini gikan sa Seattle Supersonics tuig 2008. / RSC