Bisan kuwangan sila og tawo, nakamaneho gihapon ang Strong Group Athletics (SGA)-Athletics pagmakmak sa Japan Under-22 squad, 92-79, Biyernes, Hulyo 19, 2024, sa 43rd William Jones Cup sa Xinzhuang Gymnasium sa New Taipei City, Taiwan.
Nahimo kini sa SGA bisan wala sila si big man Ange Kouame, Rhenz Abando, ug import Tajuan Agee tungod sa managlahi nga rason.
Sa kadaugan, ningsulbong ang SGA sa 6-0 nga rekord ug nagkinahanglan na lang kini og dugang duha ka mga daog aron mabulsa ang kampyunato.
Ang Chinese Taipei-A, nga adunay 5-0 nga rekord, mao na lang ang puwedeng makababag sa SGA sa pagsakmit sa korona.
Puntos matag usa:
SGA-Pilipinas (92) – McCullough 26, Fenner 17, Heading 11, Ravena 9, Chiu 8, Abarrientos 5, Tiongson 4, Ynot 4, Liwag 4, Ildefonso 2, Manalili 2.
Japan U22 (79) – Ozawa 17, Harper 10, Saeki 10, Sato 10, Kibayashi 9, Sakai 6, Hasegawa 5, Kurokawa 3, Buto 3, Asai 2, Arai 2, Watanabe 2. / ESL