Napasulod ni Shai Gilgeous-Alexander ang iyang jumper sa nahabiling 2.6 segundos aron agakon ang Oklahoma City Thunder ngadto sa kadaugan batok sa hosts New York Knicks, 113-112, ning Lunes, Abril 1, 2024 (PH time) sa National Basketball Association (NBA).
Sa kadaugan, nakasulod pagbalik ang Thunder sa playoffs sa labing unang higayon sukad niadtong 2020.
Ang Thunder mao ang ikatulo pa lang nga team nga nakaseguro na’g puwesto sa playoffs kauban ang Boston Celtics ug Denver Nuggets.
“Great accomplishment for the organization,” matod ni Thunder coach Mark Daigneault. / AP