Opisyal na nga gitudlo sa National Basketball Association (NBA) sila si Oklahoma City Thunder guard Shai Gilgeous-Alexander, Denver Nuggets big man Nikola Jokic ug Milwaukee Bucks forward Giannis Antetokounmpo isip finalists alang sa 2025 Most Valuable Player award.
Si Jokic, kinsa katulo na nisakmit ning maong pasidungog sa niaging upat ka mga tuig, gikonsiderar nga lig-ong kandidato tungod kay nag-una siya sa statistical points sa iyang averages nga 29.6 puntos, 12.7 rebounds ug 10.2 assists.
Apan wala pa’y kaseguroan nga makuha ni Jokic ang iyang ikaupat nga MVP award gumikan kay si Gilgeous-Alexander maoy season scoring leader sa iyang average nga 32.7 puntos.
Dili sab bastabasta ibaliwala ang purohan ni Antetokoumnpo, kinsa nag-average og 30.4 puntos ug 11.9 rebounds.
Una ipagawas ang pinal nga desisyon, huwaton pa ang resulta sa mga boto sa tapok sa basketball writers ug broadcasters nga nag-cover sa NBA. / AP