Sikyu gidakop

Gwardya nga gialarma nga armado sa Sitio Tarcum, Brgy. Lahug, dakbayan sa Sugbo gidakop sa mga polis alas 9 sa Lunes sa gabii, Nobiyembre 20, 2023.

Ang suspek giila nga si Magindo Amaño Eredera, 36, nagpuyo sa maong lugar.

Subay sa sunod-sunod nga pagpamusil sa Brgy. Busay ug Lahug, ang Mabolo Police Station mipahugot sa ilang pagpatrolya sa ilang hurisdiksyon.Sila nakadawat og tawag sa telepono nga dunay armado nga tawo.

Sa ilang pagresponde, ilang naabtan si Eredera nga naglakaw, dunay dala nga kalibre. 22 revolver Smith and Wesson nga dunay walo ka mga bala.

Kaso nga ilegal nga paghupot og armas ingon man paglapas sa Commission on Elections (Comelec) gun ban ilang ipasaka batok sa suspek.