Managsilingan nga giingong pusher napusasan sa buy- bust sa alas 3:58 sa hapon, Lunes, Agusto 19, 2024 sa Purok Bombel 1, Barangay Tangke, dakbayan sa Naga.
Si Brian Calimbas Villarta, 34, ulitawo, residente sa maong nahisgutang lugar ang nakuhaan og 5.80 gramos nga shabu nga mobalor sa P39,440.
Si Police LTCOL William Homoc, hepe sa Naga City Police Station maoy nangulo sa buy bust operation.
Gawas sa shabu nakuhaan sab ug usa ka unit cal.38 revolver nga may upat ka bala.
Pagka-alas 5:53 sa hapon sa samang adlaw ug dapit, napusasan si Mon Carlo Hindap Villarta, alyas Badtaw, 23, ulitawo, nakuhan og 5.30 gramos nga shabu nga gibanabana nga mokabat kapin sa P36,000.
Ang duha ka managsilingang pulos nalakip sa listahan sa kapulisan nga nalambigit sa ilegal nga drugas./GPL