Nakuha ni Ian Simbahon ug Kay Cundangan ang overall title sa 21-kilometer category race sa Cebu Orthopaedic Institute (COI) Run 2025 sa Cebu Business Park, Domingo, Hunyo 15, 2025.
Si Simbahon nigawas nga overall champion sa men’s division human niya natapos ang 21 kilometros sulod sa 1 hour, 18 minutes ug 06 seconds, samtang si Cundangan maoy overall sa wome’s division pinaagi sa 1:35:12 nga oras.
Si Joseph Emia maoy nikuha sa ikaduha nga pwesto sa 1:20:21 ug si Lexter Gaihe milabni sa ikatulo nga luna sa 1:21:15 sa men’s 21K. Ang runners-up ni Cundangan sa women’s division mao sila Diana Balungcas (1:48.45) ug Mary Rose Catamco (1:49.16).
Sa 12K category, ang overall top three sa men’s division mao sila Jhonn Marc Dizon (42:27), Darwin Lucaylucay Jr. (42:46) ug Reprinel Banzon (47:48), samtang sa women’s division sila Michelle Zamora (50:49), Nely Bendanillo (52:56), ug Jeanly Mata (58:44).
Ang malampuson nga lumba nga gi-organize sa Cebu Orthopaedic Institute kaabag ang Coco Running usa ka fundraising effort para sa outreach programs ug charitable services. / RSC