Simbang Gabi gipangandaman

Simbang Gabi gipangandaman
File photo

Sunod semana, Disyembre 16, magsugod na ang Simbang Gabi nga gipanglantawan nga dugokon sa daghang mga deboto ang dagko’ng mga simbahan.

Matod ni Police Lieutenant Colonel Janette Rafter, deputy city director for operations sa Cebu City Police Office (CCPO), nga nangandam na sila karon aron pag deploy sa mga personnel sa matag simbahan sa pagsiguro sa kaluwasan sa mga manimbahay.

Dunay ipangbutang nga mga police assistance desk ang CCPO sa dagko’ng mga simbahan.

Ilang pahugtan ang security nunot sa nahitabo’ng pagpamomba sulod sa Mindanao State University atol sa Catholic mass niadtong Dominggo.

Gimanduan si Police Colonel Ireneo Dalogdog, hepe sa CCPO, ni Police Brigadier General Anthony Aberin atol sa gipatawag nga command conference, sa pagbisita sa mga simbahan dili lang sa Katoliko, lakip na sa ubang sekta o laing relihiyon nga mohimo usab og pagsimba.

Gawas sa mga polis nga ipakatap sa matag simbahan, makig-alayon usab sila sa force multipliers sama sa mga barangay tanod aron matabangan ang kapulisan sa pag bantay.

Awhag ni Rafter sa publiko nga dili maghurot sa pag-adto sa simbahan nga way mahabilin tungod kay mamahimo sila nga target sa mga kriminal.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph