○ Alang sa Picadillo
○ Set A:
350 grams sa ginaling nga baboy
2 ka kutsara sa mantika
2 ka lusok sa ahos, gitadtad og pino
1 ka buok sibuyas bombay, gitadtad og pino
1 ka buok tamatis, gihiwa
4 ka kutsara sa soy sauce
1/2 sa kutsarita sa black pepper
Asin pangtempla
2 ka kutsara sa tomato sauce (optional)
○ Set B (optional –pagpili lang sa imong ganahan nga kombinasyon):
1 ka buok patatas, gihiwa
1 ka buok carrot, gihiwa
1 ka buok red bell pepper, gihiwa
3/4 tasa sa green peas
1/2 tasa sa raisins
○ Unsay buhaton:
1. Sa kaha, inita ang mantika ug gisala ang ahos, sibuyas bombay, ug tamatis hangtod nga mohumok.
2. Ibutang ang ginaling hangtod nga mo-brown.
3. Ukaya samtang gibutang ang soy sauce, black pepper ug asin. Ibutang ang tomato sauce kon ikaw naggamit niini.
4. Pasagdahi nga magbukal sulod sa 5-7 minutos.
5. Isagol ang imong napilian sa Set B ingredients ug lutoa hangtod nga ang mga utanon mohumok.
○ Tip ni Chef Tatung: Mahimong pulihan nimo og ginaling nga karne sa baka o manok ang baboy.
Sa Tortang ginaling:
Set A:
6 ka tibuok mga itlog
3 ka kutsara sa corn-starch
1/4 tasa sa tubig o gatas
Asin ug pepper, pangtempla
Giluto nga ginaling nga karne ( gikan sa Picadillo Set A)
2 ka kutsara sa mantika
○ Unsay buhaton:
1. Sa usa ka bowl, batila ang mga itlog uban sa cornstarch, tubig o gatas, asin ug pepper.
2. Isagol ang portion sa giluto nga ginaling nga karne.
3. Inita ang mantika sa nonstick nga kaha sa medium nga kainiton.
4. Ibutang ang mixture sa itlog ug karne aron magporma og lingin nga omelets.
5. Lutoa hangtod nga mag golden brown ang duha ka sides ug ang itlog gahi na.
Tip ni Chef Tatung:
- Gamita ang imong index finger sa pagduot sa tunga sa omelet. Luto na kini kon imong na-feel nga gahi na ug way itlog nga gibatil nga milugwa.
- Ayaw kalimti ang cornstarch kay makatabang kini sa torta nga di mabungkag ug mopahumok.