Ang puto naandan na sa lamesang kan-anan sa mga Pinoy, sagad i-serve nga pang-snack nga usahay paresan og dinuguan. Ang puto kon steamed rice sagad hinimo gikan sa pilit nga humay, asukar ug tuno sa lubi. Unya paibabwi og slice sa cheese o salted egg.
Panahon sa Semana Santa usa kini sa mga pagkaon nga naa sa lamesa.
○ Mga sagol:
2 ka tasa sa pilit
1½ tasa sa asukar
1 ka tasa sa tuno sa lubi
2 ka kutsara sa baking powder
Pudyot sa asin
Cheese o salted egg (for topping)
○ Unsay buhaton:
1. Sagula ang pilit, asukar asin ug baking powder.
2. Sugkaya ang tuno sa lubi hangtod nga mo-smooth.
3. Iyabo ni ngadto sa muffin molds ug i-steam og 15 ngadto sa 20 minutos.
4. Paibabwi og cheese o salted egg. I-serve nga init pa.