MOPIRMA og kontrata sa Los Angeles Lakers ang beteranong guard nga si Marcus Smart human siya nakadawat og contract buyout sa Washington Wizards.
Si Smart niuyon sa duha ka tuig nga kontrata nga nagbalor og $11 million aron makig-uban sa supporting cast nila ni Luka Doncic ug LeBron James sa pagpadayon sa kampanya sa Lakers sa National Basketball Association (NBA).
Naila si Smart tungod sa iyang depensa hilabi na dihang nagduwa pa siya sa Boston Celtics diin napili siyang 2022 NBA Defensive Player of the Year.
Sa niaging duha ka seasons, nagduwa si Smart sa Memphis Grizzlies ug Wizards. / Gikan sa wires