Gipaminaw sa Samahang Basketbol ng Pilipinas (SBP) ang gusto sa Gilas Pilipinas fans nga himuong naturalized player si Bennie Boatwright, kinsa maoy import sa San Miguel Beermen sa miaging Philippine Basketball Association (PBA) Commissioner’s Cup.
Usa ka kasaligang tinubdan sa Spin.ph ang niingon nga nihimo na og lakang kabahin niini ang SBP, nga maoy basketball governing body sa nasod.
Si Boatwright, kinsa kasamtangang nagduwa sa Shanxi Loongs sa Chinese Basketball Association (CBA), miuyon na niini. Gituohan nga sugdan na sa kongreso ang proseso niini sa labing dali nga panahon. / ESL