Kapin sa P104 milyunes nga kantidad sa gidudahang shabu ang nakuha sa mga mangingisda gikan sa kadagatan sa Cagayan.
Sa usa ka pahayag, gibutyag sa Philippine Drug Enforcement Agency (PDEA) nga nakit-an sa mga mangingisda ang usa ka sako nga naglutaw-lutaw taliwala sa kadagatan sa Babuyan Island ug Gonzaga, Cagayan, niadtong Hunyo 16, 2025.
Pagka-Hunyo 17, nakakita sila og laing pakete sa dagat nga nagkonektar sa Camiguin Island ug Cape Engaño, Barangay San Vicente, Sta. Ana, Cagayan.
Human sa ilang pagpangisda, gitugyan sa mga mangingisda ang ilang narekober ngadto sa mga awtoridad.
Ang unang sako naglangkob og 15 ka plastic packs sa gidudahang shabu nga motimbang og dul-an sa 15 ka kilo ug nagkantidad og P102,000,000, samtang ang ikaduhang pakete naglangkob sa 400 gramos sa ilegal nga druga nga nagkantidad og P2,720,000.
Gidayeg ni PDEA Director General Undersecretary Isagani Nerez ang mga hingtungdan nga mangingisda.
“The honest acts of fishermen, the prompt response and proper turnover of the floating contraband to authorities, and the steady sea surveillance and patrolling are all part of a holistic approach to curb the flow of illegal drugs in the coastal areas of Cagayan Province, matod ni Nerez. /TPM/SunStar Philippines