Ang San Antonio Spurs power forward nga si Jeremy Sochan nakadayeg sa pasyon, dedikasyon ug hilig sa Filipino sa basketball atol sa iyang pagbisita sa Pilipinas.
Usa si Sochan sa mitan-aw sa duwa sa top high school players sa nasod sa Araneta Coliseum niadtong Mayo 10 alang sa luna sa National Basketball Association (NBA) Rising Stars Invitational.
"This past week has been great, watching basketball is something that I love," matod niya sa press conference.
“One thing I found during this trip is the passion, the love, and the heart everyone has here with basketball, whether you're playing, coaching, watching, or spectating. There is so much passion and I truly respect that,” dugang niya.
Tungod sa iyang style of play ug hairstyle, ang 21- anyos nga si Sochan gikompara ug maoy gitawag nga modern version ni NBA legend Dennis Rodman.
Nag-average si Sochan og 11.4 puntos, 6.5 rebounds ug 2.4 assists sa 2024-2025 NBA season ubos sa Spurs. / RSC