Giawhag ang mga kandidato alang sa Mayo 2025 national ug local elections nga magparehistro sa ilang mga social media pages nga gamiton para sa kampanya, matod ni Commission on Elections (Comelec) Chairman George Garcia.
Sa usa ka resolusyon nga gipagawas gikan sa Comelec niadtong Miyerkules, Sept. 18, ang mga giya alang sa digital election campaigns alang sa 2025 national ug local elections naglakip sa paggamit sa social media platforms, AI (artificial intelligence), ug ang internet alang sa digital campaign ingon man ang pagdili ug pagpanimalos alang sa pagpakaylap sa disinformation ug misinformation alang sa 2025 midterm elections.
“Dapat magparehistro kung wala ka naman itinatago, wala naman kaming gagawin sa kanila, hindi naman namin pakikialaman yung mga contents, yung kanilang social media platforms sapagkat hindi naman namin pupwedeng gawin yun, wala tayong social media regulation law in the Philippines,” matod ni Garcia sa usa ka interview niadtong Biyernes, Oktubre 25, 2025.
Si Garcia miingon nga karon 62 ka mga nasyonal nga kandidato ug hapit 200 ka lokal nga kandidato ang nakaparehistro, nga adunay deadline sa Disyembre 13.
Sa maong interview, gi-emphasize ni Garcia ang kaimportante niini nga proseso sa pagparehistro.
“Kinahanglan magparehistro kung wala kay gitago,” iyang giingon, nga nagpasabot nga bisan wala’y awtoridad ang Commission nga direktang mag-regulate sa social media content, ang pagparehistro magtugot kanila sa pag-monitor sa mga kalihokan nga may kalabotan sa eleksyon. / CDF