Moabot og 200 ka pamilya ang makapahimulos sa gitukod nga lima ka andana nga socialized housing project in Barangay Calawisan, Lapu-Lapu City nga gitakdang matapos karong tuiga.
Kining maong proyekto nga gastuan og P219 milyunes maoy kabahin sa mga dagkong proyekto nga gipahibalo ni outgoing Mayor Junard “Ahong” Chan atol sa iyang 2023 State of the City Address nga naglakip sa Lapu-Lapu Expressway ug coastal road project.
Sa interview sa SunStar Cebu, si Chan nikumpirmar nga natapos na ang pagtukod sa pundasyon sukad sa pagsugod sa proyekto niadtong Marso 3, 2025, sa Cebu-based construction firm ang Zumyrphil Construction, Inc.
“Giandam na nila ang para second floor sa five-storey building. Ang kontrata unom ka buwan, we are hopeful the socialized housing will be finished sa di pa ang pagtapos sa 2025,” matod ni Chan.
Matod niya nga maoy ipra-yoridad sa housing project kadtong mga pamilya nga maapektuhan sa umaabot nga coastal road development ug ang informal settlers nga nagpuyo sa mga high-risk o dili luwas nga lugar.
Ang proyekto natigyon dihang dunay duha ka ektaryang property ang Johndorf Ventures Corp nga gidonar.
Ang kagamhanan ug ang private developer nagpinirmahay og deed of donation niadtong Abril 4, 2024.
Pagka Hulyo 3 sa samang tuig, ang konseho niaprobar sa P227-million budget alang sa katukoran sa housing units apan human sa bidding process, ang kantidad gilaslasan ngadto na lang sa P8 million.
Ang proyekto palapdan gikan sa 1,000 ngadto sa 1,500 units nga matag unit dunay floor area nga 24 square meters. / DPC