Nagkanayon si Kai Sotto nga hangtod karon, wala pa siya’y ideya kon kanus-a siya makabalik pagduwa human siya nakasinati og ACL injury sa iyang wa nga tuhod niadtong Enero 2025.
Niini, gipadayag ni Sotto ang iyang kagul-anan nga dili siya makaduwa sa Gilas Pilipinas alang sa 2025 FIBA Asia Cup nga ipahigayon karong Agusto 5-17 sa Saudi Arabia.
“Siyempre, malungkot lagi kapag hindi ka makakapaglaro,” matod ni Sotto nga napatik sa www.spin.ph.
Si Sotto kinsa nag-edad og 23 ug adunay 7’3” nga gitas-on, nitataw nga sa kasamtangan, nagtutok siya sa iyang rehabilitasyon.
“Three months, magfo-four months pa lang ako since surgery. Nagre-rehab lang ako,” dugang ni Sotto.
Sa kasagaran, ang ACL injury nagkinahanglan og usa ka tuig aron hingpit nga maalim. / ESL