Gilangkat pagbalik ni Henri Schoeman sa South Africa ang titulo sa pro men’s division samtang gilabni ni Natalie Van Coevorden ang korona sa women’s pro division sa Ironman 70.3 Lapu-Lapu niadtong Dominggo, Agusto 9, 2026.
Si Schoeman nikompeto sa 1.9 kilometros nga langoy, 90 kilometros nga bike ug 21 kilometros nga dagan sulod lang sa 4 ka oras, 8 minutos ug 53 segundos.
Nikuha sa ikaduhang pwesto mao si Sebastian Fuchs sa Austria sa iyang oras nga 4:12:52 samtang si Ben Hamilton maoy nidaog sa ikatulo nga pwesto sa oras nga 4:15:35.
Ang pro women’s division, gidominar ni Coevorden sulod sa 4:30:12. Ang gasunod niya mao sila Charlotte McShane (4:47:34) ug Paige Cranage (4:53:18).
Ang maong lumba giapilan sa 1,400 ka atleta sulod sa 48 countries.
Tungod sa kusog nga hangin ug balod sa Hilutungan Channel gipamub-an ngadto sa 1 kilometros ang swim portion para sa mga age grouper participants. / RSC