Gimando ni National Bureau of Investigation (NBI)Director Jaime Santiago nga bungkagon ang Special Task Force (STF) sa ahensiya tungod sa giingong mga iregularidad atol sa gihimo nga raid sa usa ka resort sa Malolos, Bulacan.
Gi-target sa operasyon ang mga gidudahang nahibilin sa mga ilegal nga Philippine Offshore Gaming Operators (Pogo).
Sa usa ka interbyu sa radyo sa Miyerkules, Agusto 6, 2025, matod ni Santiago nga iyang gimando ang pagtangtang sa tanang miyembro sa “elite unit” nga gimugna aron mohimo og imbestigasyon ug operasyon sa “espesyal nga mga kaso” lakip na ang mga nahibilin sa Pogos ug scam farms.
“Ayun nga po, dahil sa may ni-raid sila na hindi ko rin nagustuhan ang style. Nagreklamo sa akin ang Chinese embassy at ‘yung mga hinuli merong private counsel at [sumulat] din sa akin, kaya sabi ko, para hindi nila ma-tamper whatever evidence, buwagin muna yan,” matod ni Santiago.
“Iniimbestigahan ng internal affairs division at let us see. Meantime, ‘yung mga tao, dinistribute ko sa mga divisions at regional offices para magkaroon ng malayang imbestigasyon,” dugang niya.
Sigon ni Santiago nga ang resort nga gi-raid anaa sa Malolos, Bulacan ug gidakop ang siyam ka Chinese nationals nga giingong nalambigit sa Pogo ug love scams, apan ang address sa search warrant nga giisyu sa korte kay “Sta. Rita, Bulacan.”
Ang mga bata apil sa mga residente sa resort atol sa raid.
“Walang jurisdiction ang Malolos court (na nag-issue ng warrant), eh Sta. Rita is in Pampanga... Sa akin, ako, isang dating judge, ako’y dating pulis, nag-o-operate din ako, operative ako, parang sa umpisa at umpisa pa lang, application pa lang ng warrant, parang sinadya na na lokohin pati ‘yung address na alam nila later on ika-quash yan,” sumala ni Santiago.
“Minislead, sorry for the word, pero parang ganun ang nangyari. Minislead nila ang court. Ang court naman, nagbigay ng search warrant na mali naman pala ang address. Galit na ako sa ganyang katiwalian,” dugang niya. / TPM /SunStar Philippines