Nagkakusog ang hugonhugon nga posibleng mabalhin og laing team ang pambato sa Phoenix Suns nga si Kevin Durant sa offseason sa National Basketball Association (NBA).
Adunay taho nga agresibong nanikaysikay ang Suns aron makahan-ay og blockbuster trade nga maglambigit sa 36 anyos ug 15-time All-Star nga magduduwa.
Tungod niini, nikusog ang kanaas kabahin sa pustaanay sa online sa kon asa nga team mabalhin si Durant, kinsa aduna pa’y usa ka tuig nga nahabilin sa iyang kontrata sa Suns nga nagbalor og $55 million.
Sa kasamtangan, ang San Antonio Spurs maoy labing inilog nga makakuha ni Durant. / Gikan sa wires