Nikulit og bag-ong rekord si Victor Wembanyama ug ang San Antonio Spurs human sila nasugamak sa kapildihan batok sa Houston Rockets, 93-82, ning Martes, Disyembre 12, 2023 (PH time) sa National Basketball Association (NBA).
Ang kapildihan maoy ika-17 nga sunodsunod nga naangkon sa Spurs, labing taas nga naabot sa ilang prankisa.
Ning sangkaa, ang Spurs gipangulohan sa 19 anyos ug 7’4” nga si Wembanyama pinaagi sa iyang 15 puntos ug 18 rebounds.
Sa kinatibuk-an, ang Spurs natagak sa 3-19 nga rekord nga maoy labing ubos sa Western Conference.