Sta. Maria, Pusok ‘napapas’

Sta. Maria, Pusok ‘napapas’
Hulagway hinatag ni Ariel Berdon

Gibanabana nga moabot sa 600 ka balay ang gilamoy sa kayo, 4,000 ka tawo ang apektado sa nahitabong sunog sa Sityo Sta. Maria, Barangay Pusok, Lapu-Lapu City, Martes sa hapon, Disyembre 12, 2023.

Sa Facebook Live ni Lapu-Lapu City Mayor Junard ‘Ahong’ Chan, siya nagkanayon nga milabang ang kayo sa silingang sityo nga mao ang Sityo Seaside, Pusok.

Nianang pagka-3:00 sa hapon giisa sa kabomberohan ngadto sa 4th alarm ang maong sunog.

Atol niining pagsuwat, padayon pang gisusi kon unsay hinungdan sa pag-ulbo sa kayo. Gisuta usab kon wala bay nakalas ug mga naangol atol sa maong katalagman.

Ang mga tinugyanan sa City Social Welfare and Development Office niabag sa mga biktima sa ilang mga dinaliang panginahanglan.

Gianunsiyo sab ni Mayor Chan nga kanselado ang tanang Christmas party sa city government aron magamit ang pundo alang sa mga nasunogan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph