Mibisita na pud og lain nga sporting event ang US President nga si Donald Trump, karong higayona naabot siya sa UFC 314 event sa Miami, kagahapon, Abril 13 (PH time).
Sa iyang pag-abot gisugat si Trump og standing ovation ug dunay mga supporter nga mibandera sa iyang trademark nga MAGA hats.
Gikuyog ni Trump ang ubang miyembro sa iyang administrasyon ug ang White House team, lakip na si Health and Human Services Secretary Robert Kennedy Jr., FBI Director Kash Patel, Director of National Intelligence Tulsi Gabbard ug White House communications aides Steven Cheung ug Taylor Budowich.
Ang Secretary of State nga si Marco Rubio ug U.S. Sen. Ted Cruz mikuyog usab ni Trump.
Misulod si Trump sa arena kuyog ni UFC President Dana White, kinsa iyang suod nga higala. Ang Republican president dugay na nga fan sa UFC ug usa usab ka sports enthusiasts. / RSC