Gipasalig sa mismong tag-iya sa Starhorse Basilan nga kon ma-finalize na ang ilang pagpalit sa prankisa sa Terrafirma Dyip, himuon niyang usa sa lig-ong mga puwersa ang Starhorse sa Philippine Basketball Association (PBA).
“We will form a very competitive team; we won’t be anyone’s ‘farm team’, if there is such!” asoy ni businessman/sportsman Jackson Chua nga napatik sa Spin.ph.
Nagkanayon si Chua nga gisusi niya ang mga kalambuan sa PBA hilabi na nga naa na sa PBA board ang ilang application papers.
Usa ka tinubdan ang niingon nga naaprubahan na sa PBA board ang 1st phase sa pagpalit sa Starhorse sa prankisa sa Terrafirma.
“Lagi pa rin kami nag-uusap ni Terrafirma team governor Mr. Bobby Rosales, he wants an assurance na hindi kami uurong sa usapan,” pasabot ni Chua.
Daling nakatando si Chua sa pangutana kon determinado ba siya nga usabon ang imahe sa prankisa, nga naila nga kanunay lang mo-trade sa ilang dekalidad nga mga magduduwa ug top draft picks sulod sa 11 ka mga tuig niini sa PBA.
“Syempre. Bakit tayo papayag na ma-trade key players natin? Yun nga lang hindi pa namin nabibili franchise, nakiusap na kami na ‘wag na galawin and we are happy kasi the PBA itself released a statement na naka-freeze na ang assets ng Terrafirma,” dugang ni Chua.
“Even si Mr. Rosales, who is very approachable and a gentleman, assured us na lock, stock and barrel ang franchise sale if matutuloy.”
Nagkanayon si Chua nga masaligon siya nga makaporma dayon siya og lig-ong puwersa nga makakombati og insakto.
“I am very particular when it comes to forming a competitive basketball team, yan ang passion ko eh,” pagtino ni Chua.
“Our group is very passionate about sports, seryoso kami na mag-compete, hindi kami sumali para matatalo lang.”
Gihimong ehemplo ni Chua ang kampanya sa Starhorse Basilan sa Maharlika Pilipinas Basketball League (MPBL).
Lakip sa mga sinaligan sa Terrafirma mao sila si Stanley Pringle Jr., Terrence Romeo, ug Aljun Melecio. / ESL