Gitinguha sa kagamhanan sa Lalawigan sa Sugbo nga moestablisar og direktang mga biyahe sa eroplano sa mga miyembro sa East Asia Inter-Regional Tourism Federation (EATOF) members.
Kini maoy gipahibawo ni Rowena Montecillo, pangu sa Cebu Provincial Tourism Office (PTO) sa Sabado, Hulyo 26, 2025.
“Connectivity is very important among the member provinces of course on is to exchange our tourist, sharing of culture as well, so when you share culture, you connect first. So karon mao na usa sa gina-discuss but of course it’s not going to be overnight although that is the priority of the members,” matod ni Montecillo.
Namugna sa 2009 sa siyam ka mga lokal nga kagamhanan sa East Asia, ang EATOF giisip nga “model for international cooperation” ug naglihuk alang sa kalambuan sa mga miyembro niini.
Naglakip kini sa Cebu (Philippines), Gangwon (Korea), Jilin (China), Luang Prabang (Lao PDR), Quang Ninh (Vietnam, Sarawak (Malaysia), Siam Reap (Cambodia), Tottori (Japan), Tuv (Mongolia), ug Yogyakarta (Indonesia).
Sa kasamtangan, adunay direktang flights ang nasod ug ang Sugbo sa mga capital cities lamang sa mga target tourist markets.
“So we are checking and we are connecting with them kung naa ba’y possibility having a flight from Gangwon to Cebu and then the same with Sarawak, Malaysia because of course, I remembered there was Kuala Lumpur na direct flight. So ang atong negotiations karon and pag-tie up karon in terms of connectivity will be the members ani [EATOF],” matod Montecillo.
Subay niini, padayong gisusi ang dugang pang mga key areas nga mahimong palambuon. / ANV