GIPAUBOS sa dugang pakisusi sa Cebu Provincial Information Office ang kasamtangan nga kahimtang sa social media page sa Kapitolyo nga Sugbo News nga naumol ubos sa pamunoan ni kanhi Cebu Governor Gwendolyn Garcia.
Gipahibalo ni Ruben Licera, pangulo sa Provincial Information Office nga wala silay intension nga hunungon ang Sugbo News ubos sa bag-ong pamunoan.
Apan tinguha niini nga ibalik ang maong platform subay sa orihinal nga katuyoan niini.
“The provincial information and Provincial legal office is currently reviewing on the matter, “ matod ni Licera sa Hulyo 3, 2025.
Dugang ni Licera nga ang materyales ug ekipo nga gigamit alang sa pag-produce og impormasyon sa kapitolyo, giingong gipanag-iya sa gobiyerno.
“Currently all of the materials sa platform is property of the province and that’s from the taxpayers money ba so that is why we are trying to review it,” dugang niya.
Subay sa pasiunang pamahayag ni Licera diha sa iyang social media post, giingong walay pormal nga turnover nga nahitabo sa maong platform.
“At this point, we have not yet received the formal turnover of the page. The current PIO has reached out requesting the handover, but we are still awaiting confirmation,” matod ni Licera.
“In the meantime, the Provincial Legal Office is reviewing the situation to make sure that all funds are properly accounted for and that taxpayer money is being used responsibly,” dugang pa niya.
Sa kasamtangan, mahimo nga makit-an ang mga updates sa Kapitolyo sa social media page ni Governor Pam Baricuatro. / ANV