Sugboanon lakip sa ‘Sellblock’ ni Jericho Rosales

Sugboanon lakip sa ‘Sellblock’ ni Jericho Rosales
Sugboanon lakip sa ‘Sellblock’ ni Jericho Rosales

Gi-release na sa Manila-based production company nga BlackOps Studios Asia ang mga hulagway nga snapshots sa star-studded upcoming prison drama series nga “Sellblock.”

Starring sa maong series ang aktor nga si Jericho Rosales nga usa ka piniriso samtang lakip usab sa series ang mipanaw na nga si Jaclyn Jose nga usa ka polis.

Apan nahibalo ba mo nga usa sa extra cast members sa maong umaabot nga series ang Sugbuanon nga taga dakbayan sa Talisay?

Si Dawit Tabonares, 32, lakip sa mga piniriso sa maong series ug gani, anaa siya sa usa sa mga snaps nga gi-upload sa BlackOps Studios Asia.

Matod ni Dawit nga usa ka dugay na nga piniriso ang iyahang role sa maong series diin anaa siyay makontra nga bully sulod sa prisuhan.

“Wala ko kahibaw sa release date. Ila nani gi-present sa Cannes Film Festival pero kami wala kahibaw kung kanus-a i-public release,” matod ni Dawit sa pakighinabi sa Superbalita Cebu kaniya.

Dili pa sab kahatag si Dawit sa dugang detalye kon unsay mahitabo sa iyahang karakter apan daw “epic” ang paghulagway niya sa iyahang karakter.

Hulyo niadtong 2023 dihang nagsugod ang shooting sa maong series apan nahunong kini tungod sa grabeng baha nga nasinati sa production, “Naka continue ang shooting late November hangtod December,” matod ni Dawit.

Nasayran nga unang series project kini ni Dawit kinsa nilugwa na usab sa mga TV commercials ug ang main niya mao ang stand-up comedy.

“Pero akong core kay stand-up comedy gyud. Akong uban racket para networking lang gyud siya para maka bring in new audiences sa stand-up comedy.”

Wala pa’y detalye kon asa nga streaming platform i-stream ang maong series. / HBL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph