Cebuana socialite nga naila usab nga negosyante ug fashion model nga si Priscilla "Happy" Melendres nakadawat og pasidungog sa Dusit Thani sa Dubai isip Special Icon Award for Fashion and Media Excellence sa Global Filipino Icon Awards 2025 niadtong Abril 5, 2025.
Si Melendres ang labing unang Sugboanon nga nakadawat sa maong klase sa pasidungog diin nag-ila sa iyang impluwensya sa natad sa international fashion.
“I’m incredibly grateful and truly honored to receive this award. To be recognized by a global Filipino platform, especially in a place like Dubai, is something I never expected, and it means so much to me. I’m proud to represent Cebu and our Filipino heritage on such a stage," sigon ni Melendres.
Sa iyang ikalima ka tuig, ang Global Filipino Icon Awards, nagsaulog sa mga kalampusan sa mga Pinoy sa tibuok kalibutan.
Ang maong event mipasidungog sa 48 Star Icons, 46 Special Icon ug 40 ka business honorees.
Lakip sa mga distinguished awardees ang inila nga journalist sa nasod nga si Kara David nga gipasidunggan isip Star Icon of Investigative Journalism and Media Excellence alang sa iyang commitment sa pagbutyag sa mga untold Filipino stories.
Alang kang Melendres, ang iyang nadawat nga award usa ka extra special subay sa iyang paghulagway sa iyang kaugalingon nga late bloomer isip fashion model.
Sa iyang pangedaron nga 47, si Melendres nibutyag nga sa iyang kabatan-on iyang gitutok ang iyang kaugalingon sa pag-amuma ug pag-atiman sa iyang lima ka anak.
Si Melendres sa katapusan duna nay panahon sa pagpadayon sa iyang mga damgo nga una niyang gipadaplin sama sa modeling ug international fashion collaborations.
“Actually, when I was younger, I had many offers, even to become an actress, but I declined because I wanted to focus on being a mother and businesswoman,” matod ni Melendres sa wala pa siya molupad paingon sa Dubai.
“Now that all my children have graduated, it's time for myself," dugang niya.
Si Melendres gipasidunggan kauban ang laing mga Filipino Icons.
Laing awardees mao silang Arci Muñoz, Miss Universe Bahrain Shereen Ahmed, Chef JP Anglo, Thirdy Ravena, Haiku Desesto, Harvey Cenit Brian de Gracia, ug Michael Cinco.
Lakip sa mga awardees ang mga nangaging editions lakip silang veteran journalist Jessica Soho, Ezra Santos, ug Cinco, nga parehong designer diin si Melendres ang usa sa iyang mga muses.
Si Melendres mosuot sa Michael Cinco couture gown atol sa awarding ceremony.
“I’m very lucky that he got me as one of his muse,” matod niya. “I was his muse at the Cannes Film Festival last year.”
Niadtong 2024 sa dihang si Melenderes nahimong labing unang Cebuana nga nirampa sa red carpet sa Cannes.
“That dress showcased her exceptional style and confidence on the red carpet,” matod ni Cinco sa iyang nangaging media interview.
Iyang gibutyag nga dako kaayo ang iyang kasurpresa sa iyang kasinatian sa Cannes tungod kay iyang nakita ang iyang gipang hulagway nga mga supermodels sama na lang ni Coco Rocha ug Bella Hadid lakip na ang Hollywood stars sama ni Michelle Yeoh, Selena Gomez, ug Demi Moore.
“I just screamed, ‘OMG! I just walked the red carpet at Cannes yesterday!" supresang pamahayag ni Melendres.
Gawas sa fashion, si Melendres nalambigit sab sa reas estate, agriculture ug waste management.
Nahimo siya nga lifestyle columnist sa Cebu Business Week ug nisuporta siya sa nagkadaiyang philanthropic efforts particular sa kalikupan ug tree preservation.
“I always bring Cebu with me, especially when I walk in shows,” dugang niya. “Sometimes we Filipinos are not so proud of ourselves, but when I go there, I tell everyone, ‘I’m from the Philippines. I’m a Filipino.’ Loud and proud."
Sa iyang pangnlantaw, si Melendres nitan-aw sa fashion industry sa nasod nga mauswagon ubos sa kasamtangan nga Marcos administration.
“The BBM administration, especially the First Lady, promotes our culture through fashion. She (Liza Araneta-Marcos) even has all the national government agencies use local designers and local materials for their uniforms,” panapos ni Melendres.