Sugboanong pulis nadestino sa NIR kuhaon sa PRO-7

Marina: Seafarer data safe despite cyberattack
SunStar Local News

Mohimo og inventory ang Police Regional Office 7 sa mga police personnel nga nadestino sa Negros Oriental Police Provincial Office ug Siquijor nga nasakop na karon sa bag-ong Negros Island Region (NIR).

Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa kapulisan sa Central Visayas, nga dunay mga personnel nga naa nadestino sa maong mga probinsya apan lumad nga taga Sugbo.

Ang NORPPO dunay 1,800 ka mga police personnel samtang ang Siquijor Police Provincial Office adunay 420, apil na niini ang non-uniformed personnel.

Tungod niini, ilang gitinguha nga mahibaw-an kon pila ka mga police personnel ang taga Sugbo nga ibalhin sa PRO 7 ug pila usab ang taga Negros Oriental nga naa sa Sugbo ug Bohol.

Gilagdaan ni Presidente Ferdinand Bongbong Marcos Jr. ang balaod nga nagmugna sa Negros Island Region nga naglangkob sa Negros Occidental, Oriental ug Siquijor.

Gituohan ni Pelare nga dunay mahitabong restructuring sa gobyerno sa duha ka nga rehiyon ilabi na kon asa kuhaon ang panudlanan niini o duna bay epekto sa budget sa Central Visayas.

Dili na hinuon bag-o sa PRO-7 ang NIR sanglit niadtong 2015 nahitabo na usab ang suway nga pagbuwag sa maong isla gikan sa Central Visayas. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph