OLIVER P. FLORES
Sogod, Cebu
PAG-ABOT nako sa usa ka kan-anan sa dalan Manalili, nakita ko si Kumpare Edgar nga naglingkod sa hilit nga dapit sa sulod.
Naghinuktok siya.
Misulod ko.
Wa siya makamatikod sa akong pag-abot.
Nangigham ko. "Uy, Pre, nia ka na diay?" Naigpot si Edgar.
Hilaw ang iyang pinahiyoman nga mihangad nako.
Milingkod ko saiyang atbang.
Gitawag ni Kumpare Edgar ang silbidora.
Unya nag-order siyag upat ka botelyanggagmay nga serbesa ug sumsoman.
'Morag dako gyud nang imong problema, da, Pre.
"Seryuso ko.
"Nakigkita ko nimo dinhi, Pre, tungod anang imong giingon.
Dako gyud, Pre.”Puparehas mig panuigon si Edgar, trayntay utso.
Nagkakumpare mi kay siya angnagkugos sa bunyag sa kamagulangan namong anak ni Helen.
Silingan mi, ug hapit na lang gani magkadikit ang among tagsa-tagsa ka balay.
Walay anak si Kumpare Edgar sa iyang asawa nga si
Lorena.
Nagtrabaho isip security guard si Edgar sa usa ka kumpaniya sa siyudad.
Kanunay gabii ang iyang duty.
"Ngano man diay, Pre?" Nagsugod pagkuba ang akong dughan kay morag nasabtan ko na
si Kumpare Edgar sa iyang tuyo nako ron.
"Nasayod ko, Pre, nga nakahibawo ka sa tanan.
Dunay nagsulti nako nga si Lorena ug si Kumpare Adon dunay gitagong relasyon.
Dako ang akong pagtuo nga nakamatngon gyud ka ani kay sumala sa nagtug-an nako mosulod si Kumpare Adon sa amonng balay panahon sa tunganggabii.
" Wa dayon ko makatingog.
Igo ko lang gitutokan si Kumpasre Edgar.
"Pre Celio, sultihi ko sa tinuod.
Ikaw ang labi kong suod nga kumpare.
"Nagkakumpare ming tulo sa Edgar ug Adon kay nagkauban man sila si Edgar ug Adon sapagkugos sa bunyag sa kamagulangan namong anak ni Helen.
Biyudo na si Kumapre Adon.
"Pre Edgar, gusto ko nga ikaw mismo ang makadiskubre aning tanan".
Nakatingog ragyud ko.
Gitutokan ko si Kumpare Edgar og dugay.
Magul-anon siya.
"Si Lorena ra ang babaye nga akong gihigugma, Pre Celio. Nasayod ka ani."
Nahilom na sab ko.
Gibati ko ang gibati ni Kumpare Edgar kay managsama kaming lalaki.
Nakaduko ko ug mitungab sa serbesa sa akong baso.
"Sige, Pre Celio, salamat sa imong pagpakig-uban nako karon. Molargo na ko sa akong gitrabahoan, Pre.
"Unyang gabii pa man ang imong duty, Pre?" Mitindog sab ko.
"Adto lang ko sa among guardhouse maghuwat sa akong oras, Pre.
"Sa ako nang pagpauli midiretso ko sa sari-sari store nilang Kumpare Edgar aron pagpalit
og sigarilyo.
Sama sa naandan, si Lorena ang nagbantay.
Diha sa gawas sa tindahan si Kumpare Adon, malipayon nga nakigsulti kang Lorena.
Pagkakita sa duha nako, nahunong ang ilangpanagsulti.
Samtang nagtunol si Lorena nako sa usa ka kahang sigarilyo, nakatan-aw ko sa iyang
bayhon. Matahom siya.
Nindot og lawas.
Nagpabiling madanihon si Lorena kay wa man silayanak si Kumpare Edgar.
Nananghid ko kang Kumpare Adon nga mouna lang ko niya.
TUNGANG GABII.
Wa ko makatulog. Gialimut-an ko bisan dunay bentilador ang among lawak ni Helen.
Nahinanok si Helen.
Migawas ko sa lawak.
Nagpahayahay sa amongbalkon. Usa ka anino sa lalaki ang naapsan sa akong panan-aw nga misulod sa balay nila ni Lorena.
Gikulbaan ko kay nakaila ko sa lalaki.
Pipila ka gutlo ang nilabay, upat ka lanog sa mgabuto sa pistola ang milanog sa tungang gabii.
Unya, pipila ka gutlo na sab ang nilabay, usa kalaing buto sa pistola ang mialingawngaw sa kagabhion.
Pagka buntag tulo ka patay nga lawas nga gisakay sa tagsa-tagsa ka stretcher nga gipagawas sa balay nila ni Kumpare Edgar.
Gitabunan og habol ang lawas sa mga patay.
Dihausab ang mga pulis nga nag-imbestigar sa makapakitbi-sa-atay nga nahitabo.
Igo na lang kong
nagpatulo sa akong mga luha. (KATAPUSAN)