Nagmangtas si Anthony Edwards sa Minnesota Timberwolves atubangan sa iyang idolo nga si Kevin Durant sa Game 1 sa ilang best-of-seven first round playoff series sa National Basketball Association (NBA) kagahapon sa Minneapolis.
Nagpabuto og 33 puntos si Edwards, 18 niini gibuhat sa third quarter aron dalhon ang Timberwolves ngadto sa 120-95 Game 1 win.
Ang bigman nga si Karl-Anthony Towns miamot og 19 puntos, si Nickeil Alexander-Walker miabag og 18 points gikan sa 7-for-12 shooting ug si Rudy Gobert mihatag og 14 puntos ug 16 ka rebounds.
Si Durant mikambiyo og 31 puntos sa 11-for-17 shooting para sa Suns, samtang si Devin Booker ug Bradley Beal mihatag og 18 ug 15 puntos matag-usa. / RSC