Wala damha ni Jordan Ott nga moabot ang adlaw nga siya na ang mangulo sa usa sa labing iladong prangkisa sa National Basketball Association.
Gianusiyo sa Phoenix Suns nga ilang gikuha si Jordan Ott isip head coach.
“This is a dream come true,” matod ni Ott human siya opisyal nga ilha nga head coach sa Suns niadtong Sabado, Hunyo 7 (PH time).
Si Ott, 40 anyos, nagsilbing lead assistant coach sa NBA Coach of the Year nga si Kenny Atkinson sa Cleveland Cavaliers. Karon, siya na ang ika-23 nga head coach sa kasaysayan sa Phoenix franchise.
“My goal is to build a culture that, across all levels — from coaches to players to support staff — will work hard every single day to put a product on the floor that makes our fans proud,” dugang pa niya.
Gisulod ni Ott ang usa ka Suns team nga nangita pa og klarong direksyon ug identidad human sa lisod nga tulo ka tuig nga nag-ilis-ilis og head coach ug kapila napalpak sa sayong bahin sa playoffs. / RSC