○ Mga sagol:
○ Pabukalan:
1 ka tibuok dila sa baka
4 ka buok bay leaf
1 ka kutsara sa black pepper
1 ka buok carrot, gitadtad
1 ka stalk sa dahon sa celery
1 ka kutsarang asin
○ Marinate:
¼ tasa sa soy sauce
¼ tasa sa calamansi juice
○ Gisal:
1 ka buok sibuyas bombay, gipinog tagod
5 ka lusok sa ahos, gitagod og pino
¼ tasa sa butter
¼ tasa sa harina
2 ka dahon sa bay leaf
1 ka lata sa tamatis, gi-diced
1 ka kutsara sa asukar
½ tasa sa puti nga bino (optional)
2 ka tasa sa sabaw
1 ka tasa sa tibuok mushrooms
1 ka kutsara sa soy sauce
½ tasa sa pitted green olives
1 ka buok red bell pepper, gihiwa
Templahig asin ug pepper
○ Garnish:
Parsley, gitadtad
○ Unsay buhaton:
1. Sa usa ka kaldero, ibutang ang dila sa baka. Ibutang ang bay leaves, tibuok black pepper, puwa nga sibuyas bombay, carrots, dahon sa celery ug asin. Taboni hangtod maluto.
2. Kon humok na ang dila, hauna gikan sa kalde-ro. Ibu-tang sa colan-der ug pasag-dahi nga mabugnaw. Paniti ang outer layer sa dila. Langkata ang panit, apan seguraduha nga mabilin ang unod. Hiwaa ang dila ngadto sa 1-inch nga kabag-on sa matag usa.
3. I-strain ang sabaw.
4. Ibutang ang napanitan ug nahiwa na nga dila sa baka sa usa ka baking dish. Butangi og soy sauce ug calamansi juice. Sagula ang tanan. Pasagdahi aron i-marinate.
5. Sa usa ka kaha, inita ang olive oil. Gisala ang ahos ug sibuyas bombay. Kon sihag na ang sibuyas bombay, ibutang ang butter. Kon nahilis na ang butter, ibutang ang harina. Seguraduha ang pag-ukay aron way magtibugol. Ibutang ang bay leaves. Ibutang ang tomato sauce. Templahi og asukar, unya ibutang ang white wine.
6. Kon nasagol na ang tanang ingredients, ibutang ang marinated nga dila sa baka. Sagula, unya ibutang ang strained nga sabaw. Templahi og asin. Tabuni ug pasagdahi nga mobukal.
7. Kon ang sabaw mogamay na nga sama og sauce, ibutang ang bell pepper, button mushrooms, ug green nga olives. Templahi og black pepper. Sagula.
8. Seguraduha ang pagtilaw ug i-adjust ang templa sa imong ganahan. Iyabo ang soy sauce.
9. Kon maluto na, ibalhin sa usa ka fish. I-garnish ang parsley. Balibori og virgin olive oil.